ماہِ رمضان میں بھی اسرائیل  بر بریت جاری، غزہ  امداد پر روک دی

غزہ ،03 مارچ :۔

غزہ میں حماس اور اسرائیل کے درمیان جنگ بندی جاری ہے۔ مگر اس درمیان اسرئیل کی جانب سے بے رحمی کا سلسلہ بھی جاری ہے۔  رمضان  کے مہینے میں بھی اسرائیل اپنی بے رحمی سے باز نہیں آ رہا ہے۔ اسرائیل نے ایک ایسا قدم اٹھا دیا ہے جس کی وجہ سے غزہ میں رہنے والے فلسطینیوں کی پریشانیوں میں مزید اضافہ ہو گیا ہے۔ دراصل اسرائیلی وزیر اعظم بنجامن نیتن یاہو نے غزہ میں اشیاء کی سپلائی پر روک لگا دی ہے۔

قیدی معاہدے کا پہلا مرحلہ ختم ہو چکا ہے اور وِٹکاف تجویز کو ماننے سے حماس نے انکار کر دیا ہے۔ اس کے تحت مرحلہ وار جنگ بندی کے لیے بات چیت جاری رہتی۔ اس وجہ سے اسرائیل نے اشیاء کی سپلائی پر روک لگا دی ہے۔ وہیں اب اسرائیلی فوج نے غزہ میں چار فلسطینیوں کو بھی شہید کر دیا ہے۔ فلسطینی صحت افسروں اور طبی ذرائع نے یہ اطلاع دی ہے۔

رپورٹ کے مطابق غزہ میں صحت اہلکاروں نے ایک پریس کانفرنس میں کہا، "اسرائیلی فوج نے غزہ پٹی کے شمال میں بیت حنون شہر میں مقامی لوگوں کے ایک گروپ پر فوجی ڈرون سے حملہ کرکے دو فلسطینیوں کو شہید کر دیا۔

ادھر اسرائیلی فوج نے بھی ایک پریس بیان میں کہا ہے کہ اس کے فوجویں نے شمالی غزہ میں فوجی ٹھکانوں کے پاس کئی افراد کو مشتبہ سرگرمیوں میں ملوث پایا تھا۔ اسرائیل نے الزام لگایا کہ وہ (فلسطینی) ایک دھماکہ خیز آلات لگا رہے تھے۔ بیان میں کہا گیا ہے کہ اسرائیلی فضائیہ نے خطرے کو ختم کرنے کے لیے یہ حملہ کیا تھا۔