غازی آباد :ہندو یوا واہنی لیڈر پر قانون کی طالبہ کے ساتھ عصمت دری کا الزام

نئی دہلی ،09 اگست :۔

غازی آباد میں ہندو یوا واہنی کے ایک مقامی لیڈر پر قانون کی ایک طالبہ کے ساتھ عصمت دری کرنے کا الزام لگایا عائد کیاگیا ہے۔ بتایا جا رہا ہے کہ طالبہ گزشتہ دنوں  جمعرات کو مراد نگر علاقے میں کیریئر کے سلسلے میں  رہنمائی کے لیے اس سے ملنے آئی تھی۔ ملزم لیڈر کی شناخت سشیل پرجاپتی کے طورپر کی گئی ہے ،شکایت کے بعد پولیس تلاش کر رہی ہے ۔

رپورٹ کے مطابق متاثرہ نے جمعرات کو دیر گئے شکایت درج کرائی اور پرجاپتی پر غازی آباد کورٹ کے سینئر وکلاء کے ساتھ ملاقات کا اہتمام کرنے کے بہانے اسے فلیٹ میں بلانے کا الزام لگایا۔ متاثرہ لڑکی سے پہلے وعدہ کیا گیا تھا کہ وہ اسے وکلاء سے ملوائے گا۔

طالبہ نے اپنی شکایت میں کہا کہ پرجاپتی نے اسے ایک فلیٹ میں لے جا کر نشہ آور چیز پلائی۔ اس نے الزام لگایا، "اس نے مجھے کولڈ ڈرنک کی پیشکش کی جس سے مجھے چکر آنے لگے۔ اس سے پہلے کہ میں سمجھ پاتی کہ کیا ہو رہا ہے، اس نے مجھ پر حملہ کرنا شروع کر دیا تھا۔

خاتون کو زیادتی کا نشانہ بنا کر سڑک پر چھوڑ دیا گیا۔ اسے وہاں چھوڑنے سے پہلے پرجاپتی نے مبینہ طور پر اسے یہ کہتے ہوئے دھمکی دی کہ اس کی جان پہچان بڑے بڑے اثر و رسوخ والوں سے ہے۔

مراد نگر پولیس کا کہنا ہے کہ ملزمان کی گرفتاری کے لیے چھاپے مارے جارہے ہیں۔ آلوک پریہ درشی، ایڈیشنل پولیس کمشنر نے بتایا کہ جاری تحقیقات کے حصے کے طور پر متاثرہ کا میڈیکل ٹیسٹ کرایا گیا۔حیرانی کی بات یہ ہے کہ   بجرنگ دل کے کئی ارکان ملزم کی حمایت میں تھانے پہنچ گئے اور انہوں نے ہنگامہ کیا۔دریں اثناء مقامی خواتین کے حقوق کے کارکنوں نے ملزمان کو سخت اور فوری سزا دینے کا مطالبہ کیا ہے۔