علی گڑھ مسلم یونیور سٹی کے اقلیتی کردار پر فیصلہ 9 جنوری کو

نئی دہلی ،08جنوری :۔

علی گڑھ مسلم یونیور سٹی پوری دنیا میں ایک ممتاز اقلیتی یونیور سٹی کے طور پر مشہور ہے مگر ملک کی سیاست اور ووٹ بینک مختلف پارٹیوں کی سیاسی حکمت عملی نے اس یونیور سٹی کے اقلیتی کردار پر ہمیشہ بحث کو مہمیز دیا ہے ۔گزشتہ ایک دہائی سے زیادہ عرصے سے عدالت عظمیٰ میں زیر التوار اے ایم یو کے اقلیتی حیثیت سے متعلق کیس پر اب سپریم کورٹ کی سات ججوں کی بنچ 9 جنوری 2024 کو سماعت کرے گی ۔

دی آبزرور پوسٹ کی رپورٹ کے مطابق یہ مقدمہ ایک دہائی سے زیادہ عرصے سے زیر التوا ہے اور اب سات ججوں کی طرف سے اس کا جائزہ لیا جائے گا۔ پینل، یہ فیصلہ کرے گا  کہ آیا پارلیمانی قانون کے تحت بنائے گئے تعلیمی ادارے کو ایسا درجہ دیا جا سکتا ہے یا نہیں۔

واضح رہے کہ 1920 میں مرکزی مقننہ کے ایک ایکٹ کے ذریعے قائم کی گئی، علی گڑھ مسلم یونیورسٹی (اے ایم یو) کو آئین کے آرٹیکل 30 کے تحت واضح طور پر ایک اقلیتی ادارے کے طور پر خصوصیت حاصل ہے۔ جو اقلیتوں کو ایسے اداروں کے قیام اور ان کا انتظام کرنے کا حق دیتا ہے۔

تاہم، 2005 میں، الہ آباد ہائی کورٹ نے فیصلہ دیا کہ اے ایم یو کو اقلیتی ادارے کا درجہ نہیں دیا جا سکتا، کیونکہ یہ پارلیمنٹ کے ایکٹ کے ذریعہ بنایا گیا تھا، نہ کہ مسلم کمیونٹی کے ذریعہ۔ عدالت نے اے ایم یو ایکٹ میں 1981 کی ترمیم کو بھی خارج کر دیا، جس نے یونیورسٹی کو اقلیت کا درجہ دیا تھا۔

بعد میں، یونیورسٹی انتظامیہ اور اس وقت کی یو پی اے حکومت کی سخت تنقید کے درمیان اس فیصلے کا سپریم کورٹ میں  سامنا  کیا گیا۔ 2016 میں، اقتدار میں تبدیلی کے ساتھ، حکومت نے اپنا موقف بدلنے کا فیصلہ کیا اور  اے ایم یو اقلیتی دارہ نہیں ہے کہتے ہوئے اپیل واپس لے لی۔

2019 میں، اس وقت کے چیف جسٹس رنجن گوگوئی کی قیادت میں تین ججوں کی بنچ نے اس معاملے کو سات ججوں کی بڑی بنچ کے پاس بھیج دیا۔

سات ججوں پر مشتمل بنچ، جو آئین کے آرٹیکل 30 کے تحت تعلیمی ادارے کو اقلیتی درجہ دینے کے معیار پر فیصلہ کرے گا، اس کی قیادت چیف جسٹس ڈی وائی چندر چوڑ کریں گے۔ بنچ اے ایم یو ایکٹ میں 1981 کی ترمیم کی درستگی پر بھی غور کرے گی، جس نے یونیورسٹی کو اقلیت کا درجہ دیا تھا۔

اے ایم یو کے وکیل، سینئر ایڈوکیٹ راجیو دھون نے دلیل دی ہے کہ یونیورسٹی ایک اقلیتی ادارہ ہے، کیونکہ1920 ایکٹ کے جوڑنے سے قبل ہی  اس کی بنیاد 1875 میں سرسید احمد خان اور دیگر مسلم لیڈروں نے رکھی تھی۔

دوسری طرف مرکزی حکومت نے کہا ہے کہ اے ایم یو اقلیتی ادارہ نہیں ہے، کیونکہ اسے پارلیمنٹ کے ایکٹ کے ذریعے بنایا گیا تھا۔ اس نے یہ بھی دلیل دی کہ اے ایم یو ایکٹ میں 1981 کی ترمیم، جس نے یونیورسٹی کو اقلیت کا درجہ دیا تھا، غیر آئینی اور انتہائی غلط تھا۔

شعبہ ابلاغ عامہ کے پروفیسر اور پبلک ریلیشن آفس کمیٹی کے ایک رکن، شفیع قدوائی کے مطابق، فیصلے کے خلاف ہونے کی صورت میں AMU کی خودمختاری اور کام کاج کے ساتھ ساتھ دیگر پر بھی دور رس اثرات مرتب ہوں گے۔  انہوں نے کہا کہ”اگر سپریم کورٹ اے ایم یو کی اقلیتی حیثیت ختم کرتی ہے، تو اس کا مطلب یہ ہوگا کہ یونیورسٹی کو مرکزی حکومت کے اصولوں اور ضوابط پر عمل کرنا ہوگا، اور پالیسیوں کی پابندی کرنی ہوگی، جیسا کہ دیگر مرکزی یونیورسٹیوں پر لاگو ہوتا ہے۔

(بشکریہ :دی آبزرور پوسٹ)