’عالمی برادری فلسطینیوں کے خلاف اسرائیلی خلاف ورزیاں روکنے کی ذمہ داری قبول کرے ‘:خلیج تعاون کونسل

ریاض،07مارچ:۔

خلیج تعاون کونسل (جی سی سی) کے سیکرٹری جنرل نے جمعرات کو عالمی برادری پر زور دیا کہ وہ فلسطینی عوام کے خلاف جاری اسرائیلی خلاف ورزیاں روکنے کی ذمہ داری قبول کرے۔جاسم محمد البدیوی نے جی سی سی اور مصر کے درمیان مکہ مکرمہ میں منعقدہ مشترکہ وزارتی اجلاس میں کہا: "فلسطینی عوام کو درپیش تشویشناک کشیدگی اور مسلسل خلاف ورزیاں ان کی شناخت اور حقوق کے لیے ایک صریح خطرے کی نمائندگی کرتی ہیں جسے ہم واضح طور پر مسترد کرتے ہیں۔انہوں نے مزید کہا، "ہم بین الاقوامی برادری پر زور دیتے ہیں کہ وہ سلامتی اور استحکام کو نقصان پہنچانے والے ان طریقوں کو روکنے کی ذمہ داری قبول کرے۔فلسطین پر غیر معمولی عرب سربراہی اجلاس کی میزبانی کرنے پر البدیوی نے مصر کے صدر عبدالفتاح السیسی کا شکریہ ادا کیا جو منگل کو قاہرہ میں منعقد ہوا۔عرب رہنماوں نے غزہ کے لیے ایک مصری تعمیرِ نو کا منصوبہ اختیار کیا جس پر 53 بلین ڈالر کے اخراجات ہوں گے اور یہ امریکی صدر ڈونلڈ ٹرمپ کے "شرقِ اوسط کی ساحلی تفریح گاہ” کے نظریئے کے برعکس ہے جس کی عالمی سطح پر مذمت ہوئی تھ

ی۔البدیوی نے سربراہی اجلاس کے نتائج کے لیے اپنی حمایت کا اعادہ کیا اور بین الاقوامی برادری پر زور دیا کہ وہ اسرائیلی جارحیت کے نتیجے میں ہونے والی تباہی کے بعد غزہ کی بحالی اور تعمیرِ نو میں تیزی لانے کے اقدام میں حصہ لے۔ انہوں نے اس بات پر بھی زور دیا کہ غزہ کا مستقبل ایک متحد فلسطینی ریاست کے لائحہ عمل کے اندر ہو اور دو ریاستی حل پر عمل درآمد کیا جائے۔

انہوں نے اس بات کا اعادہ کیا کہ "فلسطینی عوام کی نقلِ مکانی کے غیر انسانی اور غیر منصفانہ مطالبات” کی وجہ سے مصر کسی قسم کا بوجھ مسترد کرتا ہے۔انہوں نے یہ بھی اعلان کیا کہ "جی سی سی اور عرب جمہوریہ مصر کے درمیان تجارتی و سرمایہ کاری فورم” اس سال مصر میں منعقد ہو گا۔اس فورم کا مقصد ہے کہ سرمایہ کاروں کو مصر میں مختلف اقتصادی شعبوں میں سرمایہ کاری کے امید افزا مواقع تلاش کرنے کے ساتھ ساتھ جی سی سی کے سرمایہ کاروں کو ملک میں درپیش چیلنجوں سے نمٹنے کے لیے ایک پلیٹ فارم فراہم کیا جائے۔ اس طرح جی سی سی اور مصر کے درمیان اقتصادی و تجارتی تعلقات کو بہتر کیا جائے۔