سول سروسز امتحان کے نتائج کا اعلان، پردیپ سنگھ اول مقام پر، 45 مسلم امیدوار کامیاب

افروز عالم ساحل

نئی دہلی: سول سروسز امتحان 2019 کے نتائج کا اعلان کردیا گیا ہے۔ پردیپ سنگھ نے ٹاپ کیا ہے، جبکہ دوسرے مقام پر جَتِن کشور ہیں، تیسرے مقام پرتِبھا ورما کا نام آیا ہے۔

بتادیں کہ منگل کی صبح جاری اس نتیجے میں 829 امیدواروں کے نام سرکاری خدمت کے لیے بھیجے گئے ہیں، وہیں 66 امیدواروں کے نام ویٹنگ لسٹ میں رکھے گئے ہیں۔

اس بار کے نتائج میں 304 امیدواران جنرل زمرے سے، 78 معاشی طور پر کم زور طبقے (ای ڈبلیو ایس) سے، 251 دیگر پسماندہ طبقات (او بی سی) سے، 129 درج فہرست ذاتوں (ایس سی) سے  نیز 67 درج فہرست قبائل (ایس ٹی) زمرے سے منتخب ہوئے ہیں۔

اس مرتبہ کامیاب ہونے والے مسلم امیدواروں کی تعداد صرف 45 ہے۔ ان 45 ناموں میں اب بھی دو ناموں کی تصدیق ہونا باقی ہے، کیونکہ UPSC اپنے نتیجے مذہب کی بنیاد پر جاری نہیں کرتا ہے۔

یو پی ایس سی کے جاری کردہ نتائج میں اس بار سول سروسز میں 5.42 فیصد مسلم امیدواروں کا انتخاب ہوا ہے، جبکہ گذشتہ سال 2018 میں یہ فیصد 3.95 تھی۔

2017 کے نتیجے میں 990 میں 52 مسلم امیدواروں کا انتخاب ہوا تھا۔ اس سے قبل سول سروسز امتحان 2016 کے نتائج میں 1099 میں 50 مسلم امیدواروں کے نام درج تھے۔ یعنی سال 2017 میں 5.25 فیصد اور سال 2016 میں 4.55 فیصد رہا ہے۔ کامیاب امیداواروں کے نام اور پوزیشن اس طرح ہیں: