دہلی  ہائی کورٹ کاروہنگیائی بچوں کی تعلیم   سے متعلق عرضی پر سماعت سے انکار

نئی دہلی ،30 اکتوبر :۔

ملک میں میانمار سے روہنگیا پناہ گزین کے بچوں کی تعلیم کے سلسلے میں  دہلی ہائی کورٹ نے این جی او سوشل جیورسٹ کی طرف سے دائر کی گئی مفاد عامہ کی عرضی (PIL) کو مسترد کر دیا۔اس عرضی میں مطالبہ کیا گیا تھا کہ پناہ گزینوں کے بچوں کو تعلیم و تربیت کے لئے اسکولوں میں داخلہ کو یقینی بنایا جائے۔

چیف جسٹس منموہن اور جسٹس تشار راؤ گیڈیلا کی قیادت والی بینچ نے سفارش کی کہ عرضی گزار اس مسئلے کو مرکزی وزارت داخلہ کے  ذریعہ  حل کرے، کیونکہ یہ معاملہ حکومت کے پالیسی ڈومین کے اندر  آتی ہے اور حساس بین الاقوامی تحفظات  سے جڑا ہواہے۔عدالت نے عرضی گزار کو مشورہ دیا کہ وہ پہلے اس معاملے کو مرکزی حکومت کے سامنے لائے۔

ہائی کورٹ نے کہا کہ "ہم اس میں شامل نہیں ہونے والے ہیں …  کسی بھی مطالبےکا پہلا نقطہ ہائی کورٹ نہیں ہو سکتا۔ سب سے پہلے، حکومت سے رجوع کریں … جو آپ براہ راست نہیں کر سکتے، آپ بالواسطہ نہیں کر سکتے۔ عدالت کو اس میں ایک ذریعہ نہیں ہونا چاہئے۔

سماجی ماہرین نے استدلال کیا کہ روہنگیا بچوں کویو این ایچ آر سی کے جاری کردہ پناہ گزین کارڈ رکھنے کے باوجود، آدھار کارڈ اور بینک اکاؤنٹس کی کمی کی وجہ سے دہلی کے اسکولوں میں داخلے سے انکار کیا جا رہا ہے۔ درخواست میں دعویٰ کیا گیا کہ یہ انکار ہندوستانی آئین کے آرٹیکل 21A کے تحت بچوں کے تعلیم کے حق کی خلاف ورزی ہے۔ تاہم، عدالت نے اس بات پر زور دیا کہ، غیر ملکی شہری ہونے کے ناطے، ان بچوں کی اسکولوں تک رسائی سیکورٹی، شہریت، اور سماجی پالیسی کے لیے مضمرات ہو سکتی ہے۔ اس معاملے سے مرکزی حکومت بہتر طریقے سے نمٹ سکتی ہے۔

بنچ نے سپریم کورٹ کے ایک حالیہ فیصلے کا حوالہ دیا جس نے 1955 کے شہریت ایکٹ کے سیکشن 6A کو برقرار رکھا، جو آسام معاہدے کے تحت کچھ تارکین وطن کو تسلیم کرنے کے لئے ایک کٹ آف تاریخ کو نافذ کرتا ہے، جو 24 مارچ 1971 کے بعد داخل ہونے والے کو غیر قانونی تارکین وطن بناتا ہے۔ اس کو دیکھتے ہوئے، عدالت نے تجویز پیش کی کہ غیر ملکی شہریوں کے لیے تعلیمی حقوق کو وسعت دینے سے سیکیورٹی چیلنجز اور قانونی تنازعات پیدا ہو سکتے ہیں۔

عدالت نے تشویش کا اظہار کیا کہ روہنگیا بچوں کو سرکاری اسکولوں میں جانے کی اجازت بالواسطہ طور پر ہندوستانی معاشرے میں ان کے انضمام کو فروغ دے سکتی ہے، یہ معاملہ عدالتی اختیار سے باہر ہے۔   عدالت نے  زور دیتےے ہوئے کہا کہ   "حکومت کو اس پر فیصلہ کرنے دیں۔ فیصلہ کرنا ہمارے بس میں نہیں ہے۔

سوشل جیورسٹ کی نمائندگی کرنے والے ایڈوکیٹ اشوک اگروال نے دلیل دی کہ آرٹیکل 21A کے تحت تعلیم کا حق تمام بچوں پر لاگو ہوتا ہے، چاہے وہ کسی بھی قومیت سے ہو۔تاہم عدالت نے آئینی حقوق کی وسیع تر تشریحات کے خلاف احتیاط کرتے ہوئے تحمل سے کام لینے پر زور دیا۔