غزہ ،19 اکتوبر :۔
غزہ میں اسماعیل ہنیہ کے بعد حماس کی قیادت سنبھالنے والے یحیٰ السنوارکی شہادت کی حماس نے بھی تصدیق کر دی ہے۔حماس نے رہنما یحییٰ سنوار کی شہادت کی تصدیق کرتے ہوئے کہا ہے کہ وہ اپنی آخری سانس تک فلسطین کا دفاع کرتے رہے۔واضح رہے کہ گزشتہ روز 16 اکتوبر بروز بدھ کو اسرائیلی فوج نے حماس کے رہنما کی موت کا دعویٰ کیا تھا لیکن حماس نے تصدیق نہیں کی تھی جس کے بعد اسرائیلی فوج نے ایک ویڈیوبھی جاری کیا۔دو روز بعد 18 اکتوبر کو حماس نے اپنے رہنما یحیٰ السنوار کی شہادت کی تصدیق کرتے ہوئے کہا کہ وہ آخری دم کو اسرائیلیوں کا مقابلہ کرتے ہوئے شہید ہو گئے۔
الجزیرہ کی رپورٹ کے مطابق حماس کے سینیئر اہلکار خلیل حیا کا کہنا ہے کہ غزہ میں قید اسرائیلی اسیران اس وقت تک واپس نہیں آئیں گے جب تک غزہ پر جنگ بند نہیں ہو جاتی اور اسرائیلی فوجیں محصور اور بمباری والے علاقے سے واپس نہیں جاتیں۔حیا نے کہا کہ قابض قیدی اس وقت تک واپس نہیں آئیں گے جب تک غزہ پر جارحیت بند نہیں ہو جاتی، [غزہ] سے مکمل انخلاء نہیں ہوتا اور ہمارے قیدیوں کو جیلوں سے رہا نہیں کیا جاتا۔ "حماس کی تحریک فلسطینی سرزمین پر فلسطینی ریاست کے قیام تک جاری رہے گی جس کا دارالحکومت یروشلم ہوگا۔
حماس کے قائد کو "ثابت قدم، بہادر اور نڈر” قرار دیتے ہوئے، حیا نے کہا کہ سنوار نے "ہماری آزادی کے لیے اپنی جان قربان کردی”۔ "وہ بہادراستقامت کے ساتھ اپنے انجام کو پہنچے، انہوں نے اپنا سر اونچا رکھا، اپنا آتشیں ہتھیار تھامے، آخری سانس تک، اپنی زندگی کے آخری لمحے تک فائرنگ کی۔
انہوں نے اپنی پوری زندگی ایک مقدس جنگجو کے طور پر گزاری ہے۔ اپنے ابتدائی دنوں سے ہی وہ ایک مزاحمتی جنگجو کے طور پر اپنی جدوجہد میں مصروف تھے۔ وہ اسرائیلی سلاخوں کے پیچھے کھڑے رہے اور بدلے ہوئے معاہدے میں رہائی کے بعد، انہوں نے اپنی جدوجہد اور مقصد کے لیے اپنی لگن کو جاری رکھا۔
واضح رہےکہ رواں سال جولائی میں تہران میں اس گروپ کے سیاسی رہنما اسماعیل ہنیہ اور غزہ میں سینئر کمانڈر محمد دیف کی ہلاکت کے بعد سے انہوں نے غزہ میں حماس کی قیادت کی۔2011 میں قیدیوں کے تبادلے کے دوران رہا ہونے سے قبل انہوں نے 22 سال اسرائیلی جیل میں گزارے۔بدھ کے روز دوپہر 2 بجے سے 3 بجے کے درمیان کسی وقت، اسرائیلی فوج کے بسلاچ بریگیڈ ٹریننگ یونٹ کا ایک یونٹ رفح میں تالا السلطان محلے کی تلاشی لے رہا تھا۔اس دوران اسے کچھ جنگجوؤں کی حرکت نظر آئی بعد میں یہ تصدیق کی کہ ان میں السنوار موجود ہیں ۔یہیں پر ٹارگیٹ کیلنگ کو انجام دیا گیا ۔