بی جے پی کے رہتے مسلم ریزرویشن کا کوئی سوال ہی پیدا نہیں ہوتا

نئی دہلی,15دسمبر :۔

بی جے پی کی سینئر رہنما اور مرکزی وزیر داخلہ امت شاہ نے ایک بار پھر اس بات کا اعادہ کیا ہے کہ وہ کسی بھی قیمت پر مسلمانوں کو ریزر ویشن نہیں دیں گے۔ آج تک میڈیا  کے ایک پروگرام میں امت شاہ نے  کہا کہ جب تک پارلیمنٹ میں بھارتیہ جنتا پارٹی (بی جے پی) کا ایک بھی رکن پارلیمنٹ موجود ہے، ہم مذہب کی بنیاد پر ریزرویشن کی اجازت نہیں دیں گے۔   امت شاہ نے کہا کہ وہ نہیں جانتے کہ 10 سال تک ہم نے دو تہائی اکثریت کے ساتھ این ڈی اے حکومت چلائی  ہم نے ریزرویشن کو ہاتھ  لگایا۔  انہوں نے یہ بھی کہا کہ کانگریس پارٹی نے مسلم ریزرویشن دے کر ایس سی-ایس ٹی اور او بی سی ریزرویشن کو کم کرنے کا کام کیا ہے۔    آج ایک بار پھر آج تک کے اس پروگرام میں، میں اس بات کو دہرانا چاہتا ہوں کہ جب تک ایوان میں بی جے پی کا ایک بھی ایم پی موجود ہے، ہم نہ تو مذہب کی بنیاد پر ریزرویشن کی اجازت دیں گے اور نہ ہی ایس سی-ایس ٹی،او بی سی  کے کوٹے میں کمی کی اجازت دیں گے۔

وزیر داخلہ نے منی پور تشدد سے متعلق پوچھے گئے سوالات کا بھی جواب دیا اور کہا کہ وہاں نسلی تشدد ہو رہا ہے۔  وہ نہ دہشت گرد ہیں اور نہ ہی مذہب کی بنیاد پر فسادات ہو رہے ہیں۔  منی پور میں جب بھی نسلی تشدد ہوا، یہ ڈیڑھ سال تک جاری رہا۔  کئی بار یہ تین سال تک جاری رہا۔  اب تشدد میں کمی آئی ہے اور حالات ٹھیک ہوں گے۔