بھارت میں نفرت پھیلانے والوں کے لیے کوئی جگہ نہیں

دعوت ویب ڈیسک

نئی دہلی،05 ستمبر :۔

جمعیۃ علماء ہند کے صدر مولانا محمود مدنی اور آسام کے وزیر اعلیٰ ہمنتا بسوا سرما کے درمیان لفظی جنگ میڈیا میں سرخیوں میں رہی ۔ دریں اثنا محمود مدنی نے گزشتہ روز منگل کو آسا کا دورہ کیا اور اس دوران انہوں نے گوہاٹی کے ہوٹل آر کے ڈی میں ایک پریس کانفرنس سے خطاب کرتے ہوئے آسام میں حکومت کے حالیہ اقدامات پر گہری تشویش کا اظہار کیا۔ انہوں نے کہا کہ یہ اقدامات نہ صرف غیر انسانی ہیں بلکہ سپریم کورٹ کی ہدایات کی بھی خلاف ورزی ہیں۔

آج بھی جمعیۃ علمائے ہند کے صدر محمود مدنی نے ایک ٹی وی چینل پر گفتگو کے دوران اپنی پریس کانفرنس کی بات ہی دہرائی اور کہا کہ اگر کوئی غیر ملکی ہے تو اسے ایک پروسس اور سپریم کورٹ کی ہدایات پر عمل کرتے ہوئے ڈی پورٹ کیا جائے ہمیں اس سے کوئی اعتراض نہیں ہے۔انہوں نے کہا کہ بات اس کی نہیں ہے کہ وہ غیر ملکیوں کو باہر کر رہے ہیں بلکہ وہ باقاعدہ صرف مسلمانوں کو ٹارگیٹ کر کے انہیں نشانہ بنا رہے ہیں۔انہوں نے کہا کہ ان کے بیان سے ہی مسلمانوں کے خلاف نفرت واضح ہے۔انہوں نے کہا کہ جو بھی انہدامی کارروائی کی گئی ہے وہ سپریم کورٹ کی ہدایات کے خلاف ورزی کرتے ہوئے کی گئی ہے ۔ہمارا صرف یہ کہنا ہے کہ کارروائی ضابطہ کے مطابق کی جائے۔

اس سے قبل اہوں نے آسام کا دورہ کرنے کے بعد متاثرہ علاقوں کا دورہ کرنے کا اپنا تجربہ بتاتے ہوئے، انہوں نے کہا: "میں نے اپنی آنکھوں سے لوگوں کے چہروں پر مایوسی اور بے بسی دیکھی۔ سب سے افسوسناک بات صرف توڑ پھوڑ ہی نہیں بلکہ ذلت ہے – ایک پوری کمیونٹی کو ‘میاں’ اور ‘مشکوک’ جیسے توہین آمیز الفاظ سے مخاطب کرنا۔

مولانا مدنی نے واضح کیا: "اگر کوئی غیر ملکی یہاں پایا جاتا ہے تو اسے ملک بدر کر دیں۔ ہمیں غیر قانونی تارکین وطن سے کوئی ہمدردی نہیں ہے۔ لیکن جو ہندوستانی شہری بے گھر ہو گئے ہیں ان کی باز آبادکاری ہونی چاہیے۔ جہاں سے بے دخلی ناگزیر ہے، وہاں سپریم کورٹ کی ہدایات پر عمل کیا جانا چاہیے اور بنیادی انسانی ہمدردی کے ساتھ عمل کیا جانا چاہیے۔

چیف منسٹر کے اس ریمارک پر کہ وہ مدنی کو بنگلہ دیش بھیجیں گے، جمعیت کے صدر نے کہا: "میں کل سے آسام میں ہوں، اگر وہ چاہے تو مجھے بھیج سکتے ہیں ۔ میرے آباؤ اجداد اس ملک کی آزادی کی جدوجہد کے دوران کئی بار جیل جا چکے ہیں، اگر اس شخص کو اس طرح دھمکایا جا سکتا ہے تو عام مسلمانوں کا کیا بنے گا؟

وزیر اعلیٰ کے اس دعوے پر کہ وہ "ڈرتے نہیں ہیں” مدنی نے ریمارکس دیے: "وہ ایک ریاست کا سربراہ ہے، اسے کیوں ڈرنا چاہیے؟ میں صرف ایک عام شہری ہوں – ان کے الفاظ میں ‘صفر’ – پھر بھی مجھے بھی ڈرنے کی کوئی وجہ نہیں ہے۔ اصل مسئلہ یہ ہے کہ نفرت اور عداوت پھیلانے والوں کی اس ملک میں کوئی جگہ نہیں ہے۔ ہندوستان کی تہذیب ہزاروں سال پرانی ہے جس کے ساتھ رہنے والوں کا کوئی حق نہیں ہے۔ یہاں ایسے لوگوں کے لیے پاکستان جانا بہتر ہوگا۔