ایودھیا میں رانی ستی  گیسٹ ہاؤس پر پولیس کا چھاپہ،سیکس ریکیٹ کا انکشاف

نئی دہلی،20 ستمبر :۔

اتر پردیش  میں یوگی حکومت  رام مندر کی تعمیر کے بعد ایودھیا ضلع کو مذہبی شہر کے طور پر ترقی یافتہ بنا رہی ہے ۔دنیا بھر میں اس کی تشہیر بھی کی جا رہی ہے اورایودھیا کو دھارمک استھل کے طور پر قائم کرنے کیلئے بڑے پیمانے پر کام بھی جاری ہے۔مگر حکومت کی ناک کے نیچے اس دھارمک  اور مذہب اہمیت کے حامی شہر میں جو انکشاف ہو اہے اس نے سب کو حیران کر دیا ہے ۔

ایودھیا پولیس نے پولیس نے رات گئے ایک گیسٹ ہاؤس پر چھاپہ مار کر تقریباً 12 نوجوان  لڑکیوں کو گرفتار کیا۔ اس گیسٹ ہاؤس کا نام رانی ستی ہے۔چھاپے کے بعد علاقے میں ہلچل مچ گئی، آس پاس کے رہائشی جمع ہو گئے۔حیران کن معاملہ یہ ہے کہ گیسٹ ہاؤس تھانے سے 500 میٹر کے فاصلے پر واقع تھا۔ یعنی پولیس کی ناک کے نیچے اس مذہبی ضلع میں سیکس ریکٹ کا گھناونا کام جاری تھا۔ بتایا جا رہا ہے کہ نوجوان خواتین کو بہار اور گورکھپور سے لا کر اس ناجائز کاروبار میں مجبور کیا جا رہا تھا۔

رپورٹ کے مطابق ایودھیا ضلع کے کوتوالی نگر فتح گنج محلے میں واقع رانی ستی گیسٹ ہاؤس پر پولیس نے چھاپہ مارا۔ چھاپے کے دوران 12 نوجوان خواتین اور کچھ نوجوانوں کو حراست میں لیا گیا۔ اطلاعات کے مطابق جسم فروشی کا یہ غیر قانونی ریکٹ کافی عرصے سے چل رہا تھا۔ پولیس کو غیر قانونی جسم فروشی کی اطلاع ملی۔ پولیس نے فوری طور پر رات گئے چھاپہ مارا۔ معلومات درست پائی گئیں، اور جسم فروشی کے بڑے بڑے ریکیٹ کا پردہ فاش کیا گیا۔ یہ پوری کارروائی سی او سٹی شیلیندر سنگھ کی قیادت میں کی گئی۔