ایس آئی آر :وزیر اعظم کی سالگرہ پر  ہائیڈروجن بم پھوڑیں گے راہل گاندھی؟

دعوت ویب ڈیسک

نئی دہلی ،12 ستمبر :۔

ملک میں بہار اسمبلی انتخابات سے پہلے ووٹ چوری کا معاملہ تھمنے کا نام نہیں لے رہا ہے۔ایک طرف الیکشن کمیشن آف انڈیا پورے ملک میں ایس آئی آر کرانے کی تیاری کر رہا ہے ، ایسے شارے مل رہے ہیں وہیں دوسری جانب تمام اپوزیشن پارٹیاں ایس آئی آر کے خلاف کھل کر میدان میں ہیں۔دریں اثنا راہل گاندھی نے ایٹم بم کے بعد اب ہائڈرون بم پھوڑنے کا اعلان کیا ہے ۔ اسی تناظر میں کہا جا رہا ہے کہ ایک طرف وزیر اعظم نریندر مودی کی سالگرہ 17 ستمبر کو بی جے پی سیوا پکھواڑا منانے جا رہی ہے وہیں   راہل  پی ایم کی سالگرہ پر ہی   ہائیڈروجن بم پھوڑڑنے جارہے ہیں ،یہ اشارے مل رہے ہیں۔

یاد رہےکانگریس سمیت تمام اپوزیشن پارٹیوں نے بی جے پی اور الیکشن کمیشن پر ووٹ چوری کا الزام لگایا ہے۔ تاہم الیکشن کمیشن نے ان تمام الزامات کو یکسر مسترد کر دیا ہے۔ راہل گاندھی نے اس حوالے سے ایک پریزنٹیشن بھی شیئر کیا تھا، جس کے بعد کافی ہنگامہ ہوا۔ اب اس ایپی سوڈ میں کانگریس لیڈر راہول گاندھی اپنے ووٹ چوری کے الزامات کے حوالے سے ہائیڈروجن بم پھٹنے والے ہیں، جس کا ذکر وہ پہلے ہی کر چکے ہیں۔

راہل گاندھی کے ہائیڈروجن بم کے بارے میں خبر ہے کہ وہ اسے 17 ستمبر کو یعنی وزیر اعظم نریندر مودی کے دن پھوڑ سکتے ہیں۔ اس کے ذریعے وہ نہ صرف الیکشن کمیشن کو نشانہ بنائیں گے بلکہ وزیر اعظم مودی پر بھی براہ راست حملہ کریں گے۔کانگریس لیڈر راہل گاندھی ہریانہ اور وارانسی میں مبینہ ووٹ چوری کا انکشاف کر سکتے ہیں۔ کہا جا رہا ہے کہ وہ یہ اعداد و شمار پی سی کے ذریعے ملک کے سامنے پیش کریں گے۔

راہل نے شروع سے ہی بی جے پی اور آر ایس ایس پر ووٹ چوری کے کئی سنگین الزامات لگائے ہیں۔ ایسے میں ان کا دوسرا انکشاف کتنا مضبوط ہوتا ہے یہ دیکھنا باقی ہے۔