اتراکھنڈ حکومت مدارس کے خلاف کریک ڈاؤن جاری، غیر رجسٹرڈ مدارس کی فنڈنگ کی تحقیقات شروع
جمعیۃ علمائے ہند کا اعتراض،سپریم کورٹ میں دھامی سرکارکی کارروائی کے خلاف عرضی دائر
نئی دہلی،25 مارچ :۔
اتراکھنڈ کے وزیر اعلیٰ پشکر سنگھ دھامی کی مدارس کے خلاف جاری کریک ڈاون میں مزید تیزی آ گئی ہے۔اب تک دھامی حکومت نے ریاست بھر میں ایسے 136 اداروں کو سیل کرنے کے بعد حکام کو مناسب رجسٹریشن کے بغیر کام کرنے والے مدارس کے فنڈنگ ذرائع کی چھان بین کرنے کی ہدایت دی ہے۔
دھامی حکومت کی یہ کارروائی غیر رجسٹرڈ مدارس کو روکنے کی وسیع تر کوششوں کے حصہ کے طور پر دیکھا جا رہا ہے، جن کی تعداد، حکومتی اندازوں کے مطابق، 500 کے قریب ہے، ان 450 مدارس کے برعکس، جنہیں ریاست کے محکمہ تعلیم اور مدرسہ بورڈ نے سرکاری طور پر تسلیم کیا ہے۔
غیر رجسٹرڈ مدارس کو سیل کرنے کا حکومتی اقدام مارچ میں شروع ہوا، ایسے ادارے پائے گئے جو سوسائٹیز رجسٹریشن ایکٹ کے تحت کام کر رہے تھے لیکن ان کے پاس تعلیمی حکام سے ضروری اجازت نہیں تھی۔ سیل کیے گئے مدارس بنیادی طور پر اتر پردیش کی سرحد کے ساتھ واقع قصبوں میں واقع ہیں، جنہیں حکومت نے سیکیورٹی خدشات کے طور پر اجاگر کیا ہے۔ عہدیداروں نے ریاست میں غیر قانونی مدارس، غیر مجاز مزارات اور تجاوزات کے خلاف کارروائیاں جاری رکھنے کا عزم ظاہر کیا ہے۔
ایک بیان میں، حکومت نے تصدیق کی کہ کئی اضلاع میں سیلنگ آپریشن کیے گئے ہیں، بشمول ادھم سنگھ نگر (64 مدارس سیل کیے گئے)، دہرادون (44)، ہریدوار (26)، اور پوڑی گڑھوال (2)۔ یہ کارروائیاں جنوری میں سی ایم دھامی کی طرف سے حکم دیا گیا ایک بڑے اقدام کا حصہ ہیں جس میں خاص طور پر مدارس کے ذرائع آمدنی کی تحقیقات ہے۔
تاہم جمعیت علمائے ہند کے ریاستی سکریٹری خورشید احمد نے اس اقدام پر تنقید کرتے ہوئے اسے غیر قانونی قرار دیا ہے۔ انہوں نے استدلال کیا کہ مدارس کے منتظمین کو ان کے اداروں کو سیل کرنے سے پہلے مناسب نوٹس نہیں دیا گیا تھا اور یہ کہ اتنے بڑے پیمانے پر مہم حکومت کی طرف سے باقاعدہ حکم کے ساتھ ہونی چاہیے تھی۔ احمد نے یہ بھی نشاندہی کی کہ سیلنگ رمضان المبارک کے دوران ہو رہی ہے، ایک ایسے وقت میں جب بہت سے طلباء مدارس سے دور ہوتے ہیں، ممکنہ طور پر ان کی تعلیم میں خلل پڑتا ہے۔دریں اثنا جمعیۃ علمائے ہند نے اس سلسلے میں سپریم کورٹ کا رخ کیا ہے۔
غیر رجسٹرڈ مدارس کی بندش سے متعلق تنازعہ کے جاری رہنے کی توقع ہے کیونکہ ریاست ان اداروں سے منسلک قانونی، تعلیمی اور سیکورٹی خدشات کو دور کرنے کے لیے کام کر رہی ہے۔