دہلی فساد2020:قتل کے الزامات کا سامنا کر رہے چار ملزمین کو عدالت نے بری کر دیا
![](https://dawatnews.net/wp-content/uploads/2024/02/Delhi-riot.jpg)
نئی دہلی،20 فروری :۔
شمال مشرقی دہلی میں 2020 میں ہوئے مسلم کش فساد میں دھیرے دھیرے تمام ملزمین عدالت سے بری ہوتے جا رہے ہیں ۔ایک بار پھر اشرف اور ذاکر کے قتل میں الزامات کا سامنا کر رہے چار ملزمین کو کڑ کڑ ڈوما کورٹ نے ثبوت کی عدم موجودگی کا حوالہ دے کر بری کر دیا۔ عدالت نے کہا کہ یہ ثابت کرنے کے لیے کوئی ثبوت نہیں ہے کہ ملزمان فسادی ہجوم کا حصہ تھے۔
ایڈیشنل سیشن جج پلستیہ پرماچل 25 فروری 2020 کو یہاں برج پوری میں اشفاق حسین اور ذاکر کو مبینہ طور پر قتل کرنے کے الزام میں اشوک، اجے، سبھم اور جتیندر کمار کے خلاف درج دو مقدمات کی سماعت کر رہے تھے ۔
گزشتہ ہفتے جاری کیے گئے دو الگ الگ احکامات میں عدالت نے کہا کہ استغاثہ ثابت نہیں کر سکا کہ ملزمان میں سے کوئی بھی ذاکر اور حسین کے قتل میں ملوث تھا۔ مذکورہ جگہ اور وقت پر کسی بھی ملزم کے فسادیوں کا حصہ ہونے کا کوئی ثبوت نہیں ہے۔ لہذا، تمام ملزمین کو اس معاملے میں ان کے خلاف لگائے گئے تمام الزامات سے بری کر دیا جاتا ہے،” ۔
تاہم، کال ڈیٹیل ریکارڈ (سی ڈی آر)، قینچیوں، تلواروں اور کچھ ملزمان کے پہنے ہوئے کپڑوں کی بازیابی کے طور پر کچھ حالاتی ثبوت موجود تھے، جو ان کے مبینہ انکشافی بیانات کی بنیاد پر تھے۔عدالت نے کہا کہ وہ کسی خاص جگہ پر کسی خاص شخص کی موجودگی کے بارے میں، صرف سی ڈی آر کی بنیاد پر کسی ٹھوس نتیجے پر نہیں پہنچ سکتی ۔
"جہاں تک تلواروں اور قینچی کی برآمدگی اور استغاثہ کے ذریعے انحصار کرنے کا تعلق ہے، ایسا نہیں ہے کہ یہ ہتھیار مقتول کے خون کے نمونوں سے میچ کھا سکے جو یہ ثابت کر سکیں کہ قتل میں یہی چاروں ملزم ملوث تھے۔