ماہ نامہ زندگیٔ نو تحریک اسلامی کا ترجمان رسالہ ہے جس کے پیش نظر تین مقاصد رہے ہیں: اقامت دین کے فریضے کی وضاحت اور اس کے مراحل کی نشان دہی، بدلتے ہوئے حالات میں امتِ مسلمہ کو درپیش سوالات کے سلسلے میں رہ نمائی اور تزکیہ و تربیت۔ ان تینوں اہم مقاصد کے پیشِ نظر اس ماہ نامے کے تمام مضامین ترتیب دیے جاتے ہیں۔

اس جریدے کے مضامین کا انداز خالص اکیڈمک نہیں ہوتا بلکہ اس میں دینی و علمی ذوق رکھنے والے ایک عام قاری کی ضروریات کا خیال رکھا جاتا ہے۔ اس امر کا اہتمام کیا جاتا ہے کہ مضامین مدلل ہوں اور وہ قاری کو فکری و عملی غذا فراہم کریں۔ طویل مضامین کے بجائے مختصر مضامین کو ترجیح دی جاتی ہے، البتہ حسبِ ضرورت کچھ مضامین قسط وار بھی شائع کیے جاتے ہیں۔ زندگیٔ نو کے مضامین متنوع اور فکر انگیز ہوتے ہیں۔