ایئر انڈیا کی فروخت: جماعت اسلامی ہند کا کہنا ہے قومی اثاثے پرائیویٹ کمپنیوں کو بیچنے کا راستہ معاشی غلامی کی طرف لے جائے گا

نئی دہلی، اکتوبر 11: ٹاٹا کمپنی کو ایئر انڈیا کی فروخت پر شدید تشویش کا اظہار کرتے ہوئے جماعت اسلامی ہند (جے آئی ایچ) نے کہا ہے کہ کارپوریٹس کے ہاتھوں میں عوامی اثاثوں کی منتقلی عام شہری کو اس کے حقوق سے محروم کردے گی اور اس کے نتیجے میں سرمایہ دارانہ نظام کو فروغ دے گی۔

جے آئی ایچ کے نائب امیر پروفیسر محمد سلیم انجینئر نے کہا کہ ایئر انڈیا نجی کمپنیوں کو فروخت ہونے والے تازہ ترین قومی اثاثوں میں شامل ہے۔

پروفیسر سلیم نے ایک بیان میں کہا ’’ہم انتہائی تشویش میں ہیں کہ کس طرح ہمارے قومی اثاثے نجی کمپنیوں کو فروخت کیے جا رہے ہیں، تازہ ترین واقعہ ہماری قومی فضائی کیریئر ایئر انڈیا کا ہے، جو اب ٹاٹا کی ملکیت میں ہے۔‘‘

اس سلسلے میں حکومت کی طرف سے پیش کردہ بیانیہ یہ ہے کہ ’’حکومت کے پاس کاروبار میں رہنے کا کوئی کام نہیں ہے‘‘ اور یہ کہ ٹیکس دہندگان کے پیسے بچانے کے لیے وہ خسارے میں چلنے والے پبلک سیکٹر انڈرکیٹنگ کو نجی کمپنیوں کو فروخت کر رہی ہے۔

تاہم جماعت اسلامی ہند اس بات کی نشاندہی کرنا چاہتی ہے کہ اس نقطہ نظر کے نتیجے میں ایسی صورت حال پیدا ہو گی جہاں صرف چند کمپنیاں مارکیٹ کو کنٹرول کریں گی۔ ایسی صورت حال میں عام شہری اپنے حقوق سے محروم ہو جائے گا اور اس کے نتیجے میں سرمایہ دارانہ نظام کو فائدہ ملے گا، جس سے صرف کاروباری افراد اور سرکاری افسران کو فائدہ پہنچے گا۔

نائب امیر جماعت نے کہا کہ اس سے ’’مزدوروں کے حقوق اور روزگار کے مواقع متاثر ہوں گے اور ایک فلاحی ریاست بننے کی کوشش کرنے والے سوشلسٹ جمہوریہ بننے کا ہندوستان کا مقصد ختم ہو جائے گا۔‘‘

انھوں نے مزید کہا کہ ’’حکومت کے بارے میں لوگوں کے ایک بڑے طبقے میں پائی جانے والی تشویش درست ثابت ہو رہی ہے، یعنی یہ کہ وہ اپنے محکموں کو سنبھالنے میں ناکام ہو رہی ہے جو کہ عوامی فائدے کے لیے بہت اہم ہیں اور یہ عام لوگوں کے بڑے مفادات کی قیمت پر بڑے صنعتکاروں کے مفادات کے لیے دباؤ میں کام کر رہی ہے۔‘‘

پروفیسر سلیم نے تمام متعلقہ شہریوں پر زور دیا کہ وہ متحد ہو جائیں اور حکومت کی اس سرمایہ کاری کی حکمت عملی کی مخالفت کریں کیوں کہ نو لبرل سرمایہ داری کا راستہ نو سامراج اور لوگوں کی معاشی غلامی کا باعث بنے گا۔