متفرق

دس مرکزی ٹریڈ یونینوں کی ’’بھارت بند‘‘ ہڑتال شروع، کئی علاقوں میں آمدورفت اور بینکاری خدمات متاثر

نئی دہلی، 26 نومبر: آج 10 مرکزی ٹریڈ یونینوں کی جانب سے مرکزی حکومت کے نئے فارم اور مزدور قوانین کے خلاف ملک گیر ہڑتال میں ایک اندازے کے مطابق 25 کروڑ کارکن حصہ لے رہے ہیں۔

ٹائمز ناؤ کے مطابق یہ کارکن مودی کی زیر قیادت بی جے پی حکومت کی ’’عوام دشمن، مزدور دشمن، ملک دشمن اور تباہ کن پالیسیوں‘‘ کے خلاف احتجاج کر رہے ہیں۔

یہ بھارت بند نیشنل ٹریڈ یونین کانگریس، آل انڈیا ٹریڈ یونین کانگریس، ہند مزدور سبھا، سینٹر آف انڈین ٹریڈ یونین، آل انڈیا یونائیٹڈ ٹریڈ یونین سنٹر، ٹریڈ یونین کوآرڈینیشن سینٹر، سیلف ایمپلائڈ ویمن ایسوسی ایشن ، آل انڈیا سینٹرل کونسل آف ٹریڈ یونین، لیبر پروگریسیو فیڈریشن اور یونائیٹڈ ٹریڈ یونین کانگریس کی طرف سے ہو رہا ہے۔

ہندوستان ٹائمز کے مطابق اس احتجاج میں کسانوں، گھریلو مزدوروں، تعمیراتی کارکنوں، بیڑی فروخت کنندگان، ہاکروں، دکانداروں، زرعی کارکنوں، دیہی اور شہری علاقوں میں ملازمت کرنے والے شہریوں، آٹو اور ٹیکسی ڈرائیوروں، ریلوے دفاعی ملازمین کی بھی شرکت کی توقع کی جارہی ہے۔

راشٹریہ سویم سیوک سنگھ سے وابستہ بھارتیہ مزدور سنگھ اس ہڑتال میں حصہ نہیں لے گی۔

آل انڈیا ٹریڈ یونین کانگریس کے جنرل سکریٹری امرجیت کور نے پی ٹی آئی کو بتایا ’’ہڑتال شروع ہوگئی ہے۔ کیرالہ اور تمل ناڈو مکمل طور پر بند ہیں۔ اسی طرح کی صورت حال اوڈیشہ، پنجاب، ہریانہ، تلنگانہ اور گوا میں بھی بن رہی ہے۔ مہاراشٹرا میں بھی ہڑتال کی کال کا اچھا جواب ملا ہے۔‘‘

مطالبات کیا ہیں؟

یہ بھی پڑھیں
احوالِ وطن

کشمیری پنڈتوں نے ماہانہ ریلیف کی ادائیگی میں تاخیر کے خلاف جموں میں احتجاج کیا

احوالِ وطن

دہلی میں پانی کے بحران کے خلاف مظاہرہ کرنے والے بی جے پی لیڈروں پر پولیس نے واٹر کینن کا استعمال کیا

دنیا

میانمار فوجی بغاوت: انٹرنیٹ پر معطلی کے دوران ہزاروں افراد فوجی بغاوت کے خلاف سڑکوں پر اترے

ٹریڈ یونینوں نے مرکز سے قومی دیہی روزگار گارنٹی ایکٹ (ایم جی این آر ای جی اے) اسکیم کے تحت اجرت بڑھا کر ایک سال میں 200 دن کا کام دینے کو کہا ہے۔

کسان مخالف قوانین اور مزدور مخالف مزدور قوانین کو واپس لینے کا مطالبہ کر رہے ہیں۔

مالیاتی شعبے سمیت عوامی شعبے کی نجکاری اور حکومت کے زیر انتظام مینوفیکچرنگ اور ریلوے، آرڈیننس فیکٹریوں جیسے سرکاری اداروں کو سرمایہ داروں کو دینا بند کرنے کو کہا ہے۔

مظاہرین مطالبہ کررہے ہیں کہ تمام انکم ٹیکس ادا نہ کرنے والے خاندانوں کو ماہانہ 7،500 روپیے نقد رقم منتقل کی جائے اور غریبوں کو ہر ماہ 10 کلو مفت راشن دیا جائے۔

قومی پنشن سسٹم کو ختم کرنا اور ای پی ایس 95 میں بہتری کے ساتھ پرانی پنشن اسکیم کی بحالی کا مطالبہ کیا جا رہا ہے۔

یہ بھِی پڑھیں مزید